SNDSS

അര നൂറ്റാണ്ടിലേറെയായി ഗുരുദേവദര്‍ശനങ്ങളിൽ  അധിഷ്ഠിതമായി ആദ്ധ്യാത്മികവും, സാംസ്കാരികവും, പുരോഗമനപരവുമായ ഒട്ടേറെ  പ്രവർത്തനങ്ങൾക്ക്  നെടുനായകത്വം  വഹിക്കാൻ  കഴിഞ്ഞ ശ്രീനാരായണ  ധർമസേവാസംഘത്തിൽ ഒരു ജനതയുടെ ആത്മസാക്ഷാല്‍കാരത്തിന്‍റെ പ്രതിരൂപമായ പ്രൗഡഗംഭീരവും കമനീയവുമായ   നവീന ക്ഷേത്ര സങ്കേതങ്ങളായ ഗുരു മന്ദിരവും ശാരദാദേവീ ക്ഷേത്രവും ഉള്‍പ്പടെ  ദേശീയപാതയുടെ സമീപത്ത് നിലകൊള്ളുന്ന ശ്രീനാരായണ ധർമ്മ സേവാസംഘം ഏവരുടേയും സവിശേഷ ശ്രദ്ധ ആകർഷിക്കുന്ന ഒരു ആത്മീയ കേന്ദ്രമാണ്. അചഞ്ചലമായ ഗുരുഭക്തി മാത്രം കൈമുതലുള്ള ഒരു ജനസമൂഹത്തിന്‍റെ പ്രയത്നത്തിന്‍റെയും പ്രത്യാശയുടെയും പ്രതീകം കൂടിയാണ് ഈ മഹാപ്രസ്ഥാനം.

ഗുരുദർശനങ്ങൾ പ്രചരിപ്പിക്കുന്നതിനും പ്രാവർത്തികമാക്കുന്നതിനും പ്രഥമസ്ഥാനം അലങ്കരിക്കുന്നതാണ് ശ്രീനാരായണ ധർമ്മ സേവാസംഘം എന്നത് നമുക്ക് അഭിമാനാർഹമാണ് ഈ മഹാ പ്രസ്ഥാനത്തിൻറെ ഉയർച്ചയ്ക്ക് വേണ്ടി നമുക്ക് ഒറ്റക്കെട്ടായി  യത്നിക്കാം.